Buata Bawihtlung

Me...! not tall & thin but energetic, black chinky eyes, black short hair, no facial hair, youth, husband, father, with kids.

born in village, live in city, rural activities, love friends, helping other, good use of technology, content with my life.

Love singing but not a singer, love writing but not a writer, maintain & update my blog with whatever in my minds.

--------------------------------------------------------

Mizo lal ropui Pawibawiha fapa Vanphunga Sailo khaw din, Khandaih khua, a hnua Phullen ni ta a piang leh seilian ka ni. He khuaah hian Vanphunga hnuah a fapa Awksarala chu lalah a thu.

Khandaih hmun chu Phullen veng pakhat a lo ni ta zawk a, chulai hmun Khandaih veng, Phullen a piang leh seilian ka ni.

Phullen khua hi Aizawl district a awm, Aizawl atanga hmar chhak lam (via Saitual) 125 kms a hla a awm a ni.

Thingtlang atanga piang leh seilian tih takah Mizo kuthnathawh leh Lo neihna kawnga hna hrang hrang - Lo en, Lovah, Buhtuh, Hlothlawh, Buh seng etc. thiam loh ka nei lo.

Kuthnathawh leh kutthemthiamna ngaisang mi ka ni a, Ar-awt tah, Arbawm tah, Paikawng tah, Kho tah te pawh ka thiam ve thin a, eizawnn nen a inngheng hnai lutuk ta lo a, ka thiam ka ti ngam ta lo lek lek.

Thingtlang hmasawnna leh thingtlang miten kan chanvo kan neih theih ka duh a, kan ramin nasa taka hma a sawn hi ka duh a, hmasawnna (development) tak tak chuan mihausa leh lehkhathiamte chauh a huam tur a ni lo a, a hnuai bera awmte atangin min dawm kang tur a ni tih hi ka pawm dan a ni.

Hlemhletna ka hua a, duham leh eiruk ching ka ngaina lo va, dikna leh rinawmna a tlo tih ka hria. Pawisa hmang chauha hausakna hi teh chi a ni lo tih ka hria.

Ka tha ber lo a, ka thiam ber lo a, ka famkim ber lo tih ka hria, mahse thil kan tihna apiangah a tha thei ang ber zel a tih a, kan thiam leh theihna sang ber hlan zel a, dik tak leh rinawm taka, taima taka tih hian lukhawng a nei tih ka hria.

Mitin hian midangte aia chungnun bikna lai kan nei theuh a, chu chu kan inzah sak tawn tur a ni tih hi ka pawm dan a ni.

Sum leh pai, In leh lo tha te hi an hlu ka ti a, khawtlang leh ram hruaitu nih pawh a hlu ka ti. A hlu ber erawh Nun hi a ni a, chumi dawtah chuan rilru leh taksa hriselna leh damna hi a ni ka ti.

Eizawnna avangin chhungkuain Aizawl ah kan awm mek. Tlangval laia lengchhuak ve fo thin kha, nupui fel neih vang nge, in lam ka ngaina ta riau.

Haa.