Saudi Diary

شاب سعودي جامعي, بارد لحد الثماله أسكن في منطقة الخـُبر, ولكن مانيب منها .. من منطقة بالوسطى.. وتراني مب قصيمي بس أحب القصمان

السياسه لغه ما افهمها .. التميلح أسلوب أمقته !

انتقاداتي وتذمّري مايخلصون , اكتب بتويتر انتقاداتي واحاول اني اختصرها في 140 حرف, وتكون بشكل ساخر

ما أحب الرسمّيه أبداً ..

ماكتبت معلوماتي ولا حطيت صورتي لأني مابغيت أحد يقيس كلامي على عمري او على شكلي او حتى على اسمي .. واضافة على كذا ان فيه يعرفون من انا, لكن مايدرون ان يوميات سعودي هو انا , وافضّل الوضع كذا

فكرة الاكاونت تكوّنت في الملحق.. كنت ابغى اكاونت بتويتر محد يعرف مين انا واكتب الي ابي.. الاسم طلع معي بوقتها يعني مافكرت له، وكان اول اسم بتويتر يبدأ بـ يوميات يعني كانت فكرة جديدة.. وابداً ماتوقعت اوصل 1000 فولور حتى.. فـ كانت ومازالت وراح تبقى صدمه بالنسبه لي ان الاسم وصل لاكثر من 100 الف فولور

اي شيء اكتبه في تويتر لا يمت للجدية بأي صلة..

اذا كنت تبي تتواصل معي او تستفسر عن شغله معينه.. تقدر ترسل ايميل على هالايميل : [email protected]

Email او اريح لك تقدر تضغط على كلمة
الي موجوده فوق وتعبي الرسالة وتحط اسمك وايميلك وراح توصلني الرسالة