Zain Elwegod

بسم الله الرحمن الرحيم الواحد الاحد الحى القيوم له الملك وله الحمد وهو ع كل شى قدير ......ツ

قدرى ان اسمى نورا ولانى ليا دماغى عندى احساس بيقولى انى منوره حياه كل اللى عرفونى جد الكلام ده حتى لو علاقتنا مبتكونشى خاليه من اللعبكات بس بردك انا منورلهم حياتهم ولى من اسمى النصيب الاكبرツ

عدت سنين من عمرى كتير اوقات كنت بحس بيها واوقات تعدى ولا تسمن ولا تغنى فيا شى خالص كمثل الرياح الخريفيه تسقط من اوراقى ورقه فقط لا غير وانى لمستغفره الله ربى ع كل لحظه مرت من غير ذكره او ان يكون لى نصيب من تعمير ملكه وان اكون جديره بخلفاته ع ارضه !!

كنت نفسى اطلع صحفيه او مذيعه اه والله بس بقى التعليم ف بلدى له معايره الخاصه ツ

ولانى بحب الكتابه كنت بكتب مذكرات بس ف جوابات وكنت ببعتهم لصحبتى بس كنت برميهم من فوق السطح بتاع بيتنا وعادى يعنى دماغى عارفانى كويس اوى بس الزهايمر بقى واعراضه بتجوب حولى وربى يجيرنى

مبحبش الكلام الكتير وده مش واضح عليا اوى لانى ع طول كده بضحك وبقى مبيتقفلش لذلك من لا يعرفنى جيدا فلسوف يفهمنى غلط ツ

بيتنا ع نهر النيل وارفض من يقول عن ان بيتنا ع البحر ده فرع النيل اللى بيجرى ف دمياط يا بشر افهموها بقى واول شارعنا البوسطه اللى نفسى استعملها بس متكونش لارسال السيره الذاتيه لبلد عربى او لادخال بياناتى للحصول ع وظيفه او لاشعارى بما تحتاجه شئون الطلاب فى جامعتى السابقه عاوزة استخدمها ف حاجه تانيه مثلا يعنى

بيتنا كوزىخالص بس نفسى اعيش لوحدى

عندى اب وام واخ واخت وبن اخت كمان نينتى دول ما تتمحور حولهم ايامى وربنا يعينى

انى اتعلم لغه تانيه دى حاجه عاديه عندى وبعملها كل يوم بس اللى نفسى اجربه بقى انى استعملهم بقى حاسه انى بتلاشى

كفايه كده بقى مهما قلت عن نفسى موش هعرفها اتكلم عنها صح انا بتحس موش بيتسمع عنى

خاليه من الناس لانى محاطه برب الناس ツ اعنى ياربى