Ahmed Salem

Egypt,Menofia,Shebin Elkawm ,

العنوان من غير عنوان ,, لانه مش لاقي لنفسه فعلا عنوان .

أحمد عبد الحميد سالم هو طالب في كلية الصيدلة جامعة طنطا....و بيعتبر ان ده أكبر انجاز حققه في حياته لحد دلوقتي .

و تاني انجاز عنده هو مشروع ضحكة :),,هو عضو مؤسس في مشروع ضحكة الخيري اللي كل يوم بيكبر و يزيد في كلمة "انجاز" .

ملوش صفات محدده بيقدر يتكلم عنها...هو هادي و عصبي في نفس الوقت ,,بسيط و معقد ,,بيحب اللمة بس بيحب الانعزال ,,و ساعات طخين و ساعات رفيع :D

عشان كده مليش عنوان.

معلومات سريعة :

هو مسلم افريقي عربي مصري قوقازي ,,مليش انتماء سياسي ,,ملتزم الحياد السلبي بس متابع ,,خالو احمد ,,اهلاوي بس مش متعصب ,,و مقاس رجلي 45.

هحاول اتكلم عني شوية بس مجرد محاولة :

في خبرات حياتية عدت عليا كتير ,,حاولت اعمل حاجات كتير ,,غنيت عربي و اجنبي بس طلعت احسن واحد بيغني في حمام بيتنا بالكتيير.

حاولت اكون شاعر بس مالقيتش نفسي في كده .

حاولت اكون رسام بس للاسف الموهبة خانتني .

حاولت اكون لاعب كورة...بس الحاج ما ساعدنيش .

و بعد ما وصلت من العمر كفاية اني ابدأ افكر في الدنيا ...بحاول اكون انسان .

طموحي :

نفسي اكون قريب من ربي و اسعى لمعرفته اكتر ,,لاني مقصر من زمان في النقطه دي .

نفسي اخد العلم النافع ليا و اكون عامل بيه .

بحلم يكون ليا اثر في حياة الناس اللي بحبهم و اكون ليهم اكتر ما اكون ليا .

نفسي اعمل حاجة في حياتي الناس تفتكرني بيها بكل خير بعد ما اختفي من حياتهم خالص .

الحب و الكره :

بحب الفرحة و الضحك :D ,,ممكن اعمل اي حاجة و ما افوتش على نفسي لحظة حلوة ممكن افضل فاكرها .

بحب الذكريات الحلو منها و الوحش ,,بحب اهلي جدا و اصحابي اللي مهما الظروف تفرق بيفتكروا و نرجع نتلم في الخير :)) ,,

بحب الكورة و التنس ,,بحب الأكل "مذاق و ليس كمية :D"

الكره:باختصار بكرة الكدب و النفاق و الناس اللي بتنسى كل الناس عشان فرد واحد ,,بكره فلسفة الحياة و الشباب اللي مابقتش تجيب همها ,,و خد من ده كتير بقى .

من الحاجات اللي مؤمن بيها :

اليقين في الله في كل وقت و حال لان دايما تدبير ربنا احسن من تدبير الانسان :) .

بتسند يقينك في الله بقولة "الحمد لله" ,و "لعله خير" دايما .

المثالية و الواقعية و ده باب كبير كده بس من الحاجات اللي بركز عليها عشان ما اقعش فيها كتير عالأقل .

"ظهر الفساد في البر و البحر بما كسيت ايدي الناس",,"ان الله لا يغير ما بقوم حتى يغيروا ما بأنفسهم" .

حي على العمل....حي على الفلاح .

ملحوظه: ده اللي جه في بالي ,,للي عايز يكون صورة بسيطة من بعيد ,,الشخص اللي كتب الكلام ده كله عنده عيوب كتير بردو بس مش هيكلمك اكيد عنها :P :D .

  • Education
    • Studying Pharmacy At tanta Universuty .