Abo Reda Mido

kafrelshiekh

Abo Reda Mido

kafrelshiekh

انا احمد رضا عبد العزيز محمود

طالب بكليه الطب

الحمد لله كتير من الي كنت عاوزه وصلتله

عندي 3 احلام حققت واحده وفاضل اتنين ربنا يسهل واعرف اكملهم

بحب اتعرف على الناس واحب يكون ليا اصحاب كتير وبحب التغير والتجديد

مؤمن جدا ان الي ربنا كاتبه دايما هيكون ولا اعتراض على قضاء ربنا

اولا في الدراسه بحبها وبحب كليتي بس في الوقت الحالي في مشاكل كدا ربنا يسترها وتعدي

ثانيا في الاخلاق انا متيقن ان الي الناس تجتمع عليه انه محترم هيفضل محترم وياريت اكون كدا

ثالثا قدوتي انا بحب ناس كتير ونفسي اكون زيهم بس في اسلوبي اظن كدا والدي وخالي ولا شك اجمل قدوه لينا نبينا محمد عليه افضل الصلاه والسلام

ثالثا في الحب يعني ممكن يكون مش ليا فيه نصيب او حظ كويس بس انا ماشي على مبدأ انك تحب واحده وتكمل طريقك معاها طالما انها انسانه كويسه ومحترمه وتحتفظ عليها وتكون خايف عليها اكتر من نفسك لان مشاعر الناس مش لعبه وكما تدين تدان والي تقولها بحبك = تتجوزيني وتكون اد كلمتك معاها وتكمل معاها مهما كان الطريق صعب لان دا كان اختيارك والحب مسؤليه ولو انت مش قد كلامك متعلقش بنات الناس معاك لان الي يحب بدبلتين غير الي يحب بكلمتين وغير الي بقوله دا يبقى استهبال ودايما من وجه نظري محدش بيتاذي في الحوار دا غير البنات لذلك الولد لازم يراعي ربنا في بنات الناس ويكون قد كلامه يا اما ميحشرش نفسه في حوارات مش بتاعته

رابعا حياتي انا عندي اختين بس ربنا يخليهم يارب وبحب امي جدا وبابا برضو بس اغلى انسان في حياتي هي امي ثم امي الثانيه ثم ياتي الباقي تباعا

طموحي اكون دوكتور كويس يقدر يوصل لمكانه كويسه ويساعد ناس كتير محتاجين مساعده واحقق احلامي وفوق كل دا لازم اكون شخص محترم وخلوق

في الكوره انا زملكاوي بقا هه وبحب مصر اوي لانها فعلا ام الدنيا ومتحسش بكدا غير لما تسافر برا وانا سافرت برا مصر كتير واتاكدت من كدا

بحب اصحابي اوي وليا اصحاب كتير وبحب دايما اكون هادي ومحدش يعرف عن شخصيتي الحقيقيه حاجه يمكن بضحك كتير ع اصحابي وبعمل مقالب كتير

في ناس كتير متعرفش عني حاجه ليا اسرار كتييييره محدش هيعرفها غير الانسانه الي هختارها ان شاء الله عشان تكمل معايا حياتي

يمكن عندي غموض في جوانب كتير من حياتي بس دا شئ في طبعي ومظنش انه هيتغير كتير

ان شاء الله هكمل كتير لسه في كلام كتييير

  • Work
    • kafrelshiekh
  • Education
    • faculty of medecine alexandria university