ahmed baset

Fakous,

بسم الله هو الصراحه مش عارف أبدأ منين بالظبط بس .. انا احمد عبد الباسط 17 سنه من محافظة الشرقيه (مصر) فاضى تسمع ؟ مقفلتش الصفحه يعنى ؟ ماشى ياسيدى .. بص بقا انا هجبلك من الاول واحده واحده كده وركز معايا .. احمد أكبر أخواته حاليا فى تانيه ثانوى عام عايش الحمد لله لحد دلوقتى راضى بالى ربنا كتبهوله ومؤمن ان محدش هيقدر يغير فى قدره .. تمام هتيجى مثلا تسألنى عاوز تعرف هدفى مستقبلى شايفه ازاى .. هقولك حاضر .. هو من وانا عندى 6 سنين كان كل هدفى فى الدنيا انى ابقا طياار عارف انته طبعا شغل الاطفال ده بدأت اكبر شويه حلمى اتغير وطبعا بتبدأ تشوف باباك شغال أأيه وتفكر تبقى زيه وبتخده مثل أعلى ليك .. بدأت افكر انى ابقى مهندس .. حطيت هدفى قدامى وبدأت اخططله واتعب عشانه ..والحمد لله قدرت اوصل لأول ستييب ف طريقى الكلام ده فى اولى وتانيه اعدادى .. طلعت الاول على المدرسه طبعا فرحت و طبعا انته عارف يعنى ايه واحد مصرى ينجح طبيعى لازم يتغر ويقول انا كويس انا حلو من غير مذاكره انا وانا وانا ؟! جيت ف تالته اعدادى حصل درووب كبير فى المستوى طبعا .. متفجأتش لانى عارف الاثر الرجعى للغرور .. بدأت احس بالا مبالاه وحلمى اختفى من قدامى و بما انى فى سن مراهقه شغلتنى حاجات كتير ربنا يخليلى الشله الفاسده طبعا .. جت اولى ثانوى بنفس اسلوب الا مبالاه الى سيطر عليا والى ساعدنى على ده انى شفت الكل مش مهتم .. قولت فى نفسى يعنى الكل مش مهتم وانته بس الى الى هتهتم ياعم نفض .. ونفضت ؟! طبعا نفضت .. ودنتى منفض لاخر السنه ووصلت لانى بعد مكنت عمرى ما بنزل من لوحة الشرف فى أى مدرسه .. بدأت اكون زى اى شخص عادى ملوش مستقبل .. اتقتل جواه الطموح .. جت تانيه ثانوى ومختلفتش كتير عن اولى مذكرتش ولعبت وضيعت وقت كتييير جدا وكل الى حوليا قالولى احنا مش مهتمين .. ووصلت لنص السنه والنتيجه الى صدمتنى لقيت نفسى اقل واحد فى صحابى بعد ماكنت زا بيست اوووف . قعدت مع نفسى وبدأت افكر .. احمد ؟! اخر واحد بعد ما كان الكل بيحسده على مستواه .. طبعا الواحد كان بيمر بمشاكل كتيره فى الوقت ده فى البيت وبره البيت وغيرها .. بس برضو مش مبرر انك تبقى كده مهو كل الناس عندها مشاكل .. بدأت احط هدفى تانى قدام عينى وارجع تانى امسك ورقه وقلم واخططله و وابدأ اشتغل واتعب عشانه وربنا مبينساش حد فى اخر كلامى عارف ان انا صدعتك بحاجه مش هتلزمك او هتفيدك بحاجه بس انا خيرتك فوق انك تقرأ او لا وانته اخترت انك تقرأ .. كل الى انا عاوزه من حضرتك دلوقتى دعوه لوالدى ان ربنا يشفيه مش أكتر ومره تانيه سورى للأزعاج صحيح نسيت أكلمك فى حاجه مهمه انا زملكاااوى فشخ أأه والله زمبقولك كده يعنى مبسمحش لحد يتكلم معايا فى الحوار ده يلا سلام :D

  • Work
    • student