Ahmed Saadany

لم أتعرف على ذاتي يوماً،فلو اردت رسمي فلترسم بكل الالوان بدون تناسق .. بتنخق من الحريم ... صعب اني اتقبل بنت ... مفتقد للثقة في نفسي في بعض المواضع ... أنا هو إنت مع تغيير طفيف في التقليمة ،اكيد هاتلاقي تشابه بيني وبينك إلا اذا كنت كائن فضائي، ما تخافنيش .. انا بتوتر لما بيكون معايا حد ف جو مشحون، بحب اختلي بنفسي ولو في مصيبة ف الشارع ومعايا حد ممكن ازود المصيبة مصيبتين .. متقلب المزاج - مش إجتماعي - بكره الفلوس .. مش عارف السعادة دي ممكن اجيبها ازاي،ساعات بحس ان السعادة مجرد انك تتكعبل وتتبهدل ولما حد يبتسملك ويقومك من عالارض تضحك وكأنه لازم تاخد على قفاك عشان تسعد،ما ينفعش السعادة من غير ضرب؟ انا بسبب قلة احلامي فوجئت اني اصلا نسيت ايه هي الاحلام دي واصبحت بلا احلام، حتى ما بقاش يفرق معايا حياة او موت عادي هنا مية بسكر وهناك مية بملح .. أنا ف اول العشرينات ودائما عندي احساس اني راحت عليا وكفايا حسن الختام انك تسيب بصمتك هنا ... بتخيل الأرض الخضراء المكونة من الحلوى والبيوت المبناه من التورتة وأكون عايش مع ناس طيبة ... حاجة مش مظبوطة لما تكون مش بتقدر تعمل حاجة غير لما تكون كاملة المثالية .. وما تقولش يا عم كفاية كدة حلو حلو، حاسسني مش ماشي مع الحياة هنا، كله كروتة ... نفسي ابطل افكر ف غيري وافضل اقول هو انا لو مكانه كنت هازعل ولا هانبسط، دنا بزعل اكتر من اللي عنده مشكلة، انا مالي انا. التفاصيل الدقيقه هوس نفسى اتعالج منه .. تجذبنى رائحة التفاصيل من اقصى الأرض.. نفسى اعرف اخدها ببساطه زى ناس كتير .. الموسيقى أدق وصف لاحساسى و مشاعرى .. انا من جوه خناقه عقل مع الأعقل منه مع ان الاتنين مجانين .. متسألش فين القلب ..
انا ايه غير نقطه فى بحر .. الموج قدره .. و الرياح خط سير حياته و يارب يكون الموج هادى و الرياح بارده .. هامش الحياه انا موجود عليه شخص غير مؤتمن سهل ان
يضحك عليه تقولي ليه ... علشان انا نقطه بيضه في وسط حبر قلم .. اترسم
عليه خيبت الامل ,,, حظ قليل في الدنيا ومخي اتسحل في حورات بين عقلي
الباطن وكتاب زنوبي ,,,وما جه دوري والعذاب مني بيقرب فا جبت عود كبريت
ولعتوا و اقعدت اجرب .. هل هستحمل نار الدنيا ..ولا .. هتــــــــــهرب

سيبك من الهرى ده عايز تعرف انا مين ؟

بدرس فى كليه العلوم جامعه القاهره و كميائى فاشل .. جيتارست تعليم مجانى باند و ده باند اورينتال ميتال بس مش فاشل .. بحب المزيكا من صغرى .. الكلاب عشق .. و متعتى فى السهر و السفر

بس يا سيدى و لو افتكرت حاجه تانيه هبقى اكتبها :D

  • Work
    • Guitarist
  • Education
    • Faculty of Science