Aml SaȜed

mansoura

انا امل سعيد..اسمى لواحده يخليك متفائل (: ويارب تكون حياتى كلها امل وسعاده :D

عندى 20 سنه وشوية شهور كدا

برج العقرب

من مصر وعايشه فى المنصوره

فى كلية طب بيطرى بس مش دخلاها بمزاجى بس حبيتها اوى بعد ما دخلتها بالظبط كدا زى الحب بعد الجواز :D

اما بقى لو هتسألنى عن حالتى العاطفيه فأنا مازلت سينجل

و مش ناويه احب غير الانسان اللى هيكون من نصيبى ان شاء الله

نيجى بقى للاسره بتاعتى وهى بابا

وماما ربنا يخليهم يارب

وعندى اخ واحد اكبر منى ربنا يبارك فيه

بالنسبه للسياسه فهى وجع دماغ مش أكتر عشان كدا مش بحب اتكلم فيها بس مش معنى كدا ان انا مش ليا رائى او ان انا تبع حد انا بس مكبره دماغى

اكلمكوا بقى شويه عن نفسى

انا بقى معظم اللى يشوفنى يقول عليا هاديه اوى

كلهم بيقولوا كدا فى الاول :D

ناس تانيه ممكن تقول عليا تنكه بس انا مش كدا خالص انا بس مش باخد على الناس بسرعه

مش بحب احرج حد وبحب اللى قدامى يكون صريح وميحورش

اما عن هواياتى فانا بحب الرسم وبحب اغنى ..ماما وصحباتى بيقولوا ان انا صوتى حلو بس مش عارفه بقى بيشتغلونى ولا ايه :D

اما بقى عن "فتى احلامى"

فأهم حاجه الاحترام ويكون بيحبنى ومش شايف غيرى بس

وطبعا يكون معاه شهاده كويسه

ويكون شكله حلو البنات تشوفه تقول "الله مين الواد المز دا":D

اما عن احلامى فأنا

نفسى اسافر استراليا او دبى

وكمان نفسى افتح محل عصافير ومحل ورد

طبعا هى احلام غريبه ومستحيله فى بلد زى ام الدنيا "ماسر"

بس مفيش حاجه بعيده عن ربنا

وبس كدا خلاص خلص الكلام :D