Amir Milad

كنت بحب الحساب والفيزيا ومع ذلك دخلت كلية طب ولذلك المفروض انى قربت أخلص دراستى فى كلية طب ولا أفقه فى الطب شيئا

ببقى مقرر أعمل حاجات كتير بس للأسف أول ما يجى معادها بكسل أعملها

مابعرفش أتعامل كويس مع الناس اللى معرفهاش كويس بس بمجرد ما بقضى معاهم فتره كويسة بتخلص من المشكله

مش بعرف أهتم بالتفاصيل فى أى حاجة بشوف الحاجة قدامى على بعضها كحلوة أو وحشة

ولو قفلت من انسان مابعرفش أتعامل معاه تانى مهما حصل

بشوف كويس الحاجات والمواقف المش ظريفة اللى بتتعمل فيا وبعديها بمزاجى وكأنها ماحصلتش بس لما بتكتر بجيبلك تاريخك معايا من ساعة ما اتولدت

أكيد زى أنت بتشوفنى مش ظريف أنا كمان بشوفك كده والعكس صحيح

كل المغنيين عندى متساويين بحب لكل واحد كام أغنية ومش شايف حد فيهم حاجة محصلتش

  • Work
    • ٍطالب