derya arslan

cihân-ârâ cihân içindedür arayı bilmezler
ol mahiler ki deryâ içredür deryâyı bilmezler

harabat ehline dûzah azâbın anma ey zahid
ki bunlar ibn-i vakt oldu gam-ı ferdayı bilmezler

şafak-gûn kan içinde dâgını seyr etse âşıklar
güneşde zerre görmezler felekde ayı bilmezler

hamîde kadlerine rişte-i eşki takub bunlar
atarlar tir-i maksudu nedendür yayı bilmezler

hayalî fakr şâlına çekenler cism-i uryânı
anunla fahr ederler atlas ü dilbayı bilmezler