Nada Ali
Egypt
Nada Ali
Egypt
خـــــــــــــــــــــــطوة
بترسم خطوة تمشيها
وواقف بردو مبتمشيش
وتجمع كل أفكارك
وفى الاخر تلاقى مفيش
بتحاول تكشف الدنيا
وعايز تعرف الاسرار
طريق واحد بتختاره
وف بداية الطريق تحتار
حاجات جواك بتكسرها
تبررها بأى كلام
مابين حرية تخسرها
وشىء من ضعف واستسلام
حاجات تتمنى تنساها
تقول هنسى أكيد بكرا
تضيع جواك وتلقاها
وتفضل صورة فى الذكرى
يبان الحزن فى ملامحك
تقول الناس أكيد شايفاك
تسيب الحزن.. تتبسم
وتسمع صرخة من جواك
شبابيك الحلم مفتوحة
وقافل بردو على نفسك
يضيع العمر أدامك
ومش نافع فى يوم أسفك
ونفس الخطوة ترسمها
وواقف بردو مبتمشيش
وتجمع كل أفكارك
وفى الأخر تلاقى مفيش!