Ebtesam Shehab

صلـ على سيدنا محمد "اللهم صل وسلم وبارك على أشرف الخلق

إبتسام شهاب الدين..ودا أكيد اسمى:D

ياريت تفرق بين اسمى والمصدر من الفعل ابتسم

علاج طبيعى ..تقولى مدلكاتية تمرجية دكتورة مش بيفرق معايا أولا لانى راضية بقدرى..وثانيا لانى مش بأعامل الناس وفقا لمكانتهم العلمية ..التعامل ع أساس الشخصية أفضل..!

بأحب أبى لدرجة لا يتخيلها عقل ..والحب دا هو الشئ الوحيد اللى بيقوينى وبيساعدنى فـ حاجات كتيرة

أمى ♥ حاجة تانية خالص ..بالمناسبة أنا شبهها جدا وفـ كل حاجة حتى لو هى أنكرت ..بدعوة منها بأشوف طريق منور مهما كانت الصعوبات

وبالمناسبة : بأحب القراءة جدا ..ممكن أكون بأكتب ..كنت بألعب تنس طاولة وبفعل عوامل التعرية من غربة ودراسة بطلت _ودا شئ محزن..الانسان الضعيف والمنافق أكتر حد ممكن أكره فـ حياتى

عقلى يمثل 60% من شخصيتى..احساسى يمثل 30%..وقلبى 10% _محدش يستغرب_

أصدقاء عمرى تقريبا اتنين منهم أبى وصديقتى ..

أمنيتى انى أحقق جزء من حديث شريف "وولد صالح يدعو له"

اصرار: إنى أجمع بين العلم الدينى والدنيوى

سر:أتمنى ان أولادى اذا ربنا رزقنى ..يكونوا أفضل منى ..ونسأل الله رزق الزوج الصالح..

سعادة: من أكتر الحاجات تسعدنى ..أنه لما يتولد عندنا فـ العائلة مولود جديد..يدعوله ويوقولو"يارب أشوفه زى ابتسام..

دلعى:ابتسـ دا مش مجرد دلع ..لكن دا حاجة زى وشم..وبأتمنى اللى ينادينى بيه يفهم معناه ^^!

عشقى: تجويد القرآن فى حلقة علم ، وانى أئم النساء فـ صلاة الفجر خصوصا ..الشيخ البنا ومشارى راشد وأنشوداته الرائعة

قدوتى: السيدة عائشة رضى الله عنها ..د.مصطفى محمود وأبى أكيد..بحاول أوصل لدرجة الهدوء التى تمتلكها أمى !

وآخيرا ..الشيكولاطة والورد من أسباب ابتسامتى..

نصيحة : اتعامل مع الناس أولا ..واهدى ..وبعدين أحكم عليهم ^^

نصيحة فرقت معايا: "الفشل مش إنى أفشل..الفشل إنى أفضل ع حالى اللى أنا شايفة إنه فشل" حقيقى كلمات من نور فـ طريق كان مظلم ..أما دلوقتى مش ممكن حاجة تأثر فيه حتى الهموم..ودا بتوفيق من الله وثقة فى قدرة ^^ !