Eslam mohamed

مصمم جرافيك ؟ سالت نفسى كتير يعنى ايه ابقى مصمم ... طيب ياترى انا انفع اصلا ابقى مصمم ... طيب انا شغلى حلو .. طيب لما اجى اتكلم مع ابويا اقوله انا شغال مصمم وياترى ايه هايبقى رد فعله على الكلمه دى ... مش عارف طيب لما اجى اتقدم لوحده هاقول لابوها انا شغال ديزينير ياعم الحاج ولا اقوله مصمم ... اساله كتير على الموضوع ده لدرجه انى مكنتش عايز ابقى البتاعه دى عشان خاطر الاسئله بس هانعمل ايه حكم الاوى ... هوه اى نعم مكنش بيطلع منها فلوس وكان بيتضحك عليا بس يلا ادينى بقى فى الاخر برضه اسمى مصمم جرافيك ... اما بقى موضوع التصوير ده ف ربنا يستر عشان اى حد هايقرى الكلام ده هايقول اول كلمه "مصر كلها بقت مصورين " ف انا مش هاتكلم على الموضوع ده لحد مانشوف اخره المصورين اللى فى مصر او اخرتها معايا انا .. والحمد لله بقيت فى الاخر مصمم ومصور كلمتين نفس الحروف تقريبا .. بس مش سهله تتقال على اى حد مش معنى كدا انى جامد يعنى .. لا... لا انا واحد على قده بيحاول يبقى كويس وان شاء الله هابقى كويس