طبعا أنا وأعوذ بالله من كلمة انا يدلعونن أهلي بالبيت خالد وإذا كانوا يبون شي هكاليوم قالوا الله لايحرمنا منك بس ياطروق :$ طبعا أول ماطلعت للدنيا كنت بس خشم حتى أذكر السستر أو ماشالتن قعدت تقلبن يمين ويسار وتقول : أومايقاد ، مايكون هذا الغريب ، إنه كائن غريب حق هل هذا هو مايسمى بذرة إنسان ؟ > طبعا هي كانت تتكلم بالانقليزي بس آنا مترجمها لكم ، عاد المسيكينه قربتن يمه تبي تمطخن ، وانا ماعندي هالامور من يوم اني خشم هكالحين اد يوم شفته تسذا ومير أعظه مع يده ألا وهي الي تصبخن بربعة الغرفة بنت الريح وعشان تسذا طلع خشمي منعفط ياحليله عاد هالصبخه ذي سوت بي خير الحمد لله عقبه طلعت لي يديني ورجليني عاد ومير أقوم آخذ شماغي وأروح لسريري بس بعلمكم أني رجل من يومي صغير والشماغ لابسه على مدار الساعه ، طلعت للدنيا مع بداية التطور والحضاره والمستشفيات والشغل السنع ، لأن كل السلنتح الي قبلي مولودين يا بالصالة ، أو الي كشخه منهم مولود بمجلس الرجال تقول أمي أنك ماخليتن أنبسط بالعيد وآكل حميسة وتسبده وكراث وأنبسط به مع العالم ، ماغير مخوين وموذين ودابلن تسبدي :D شفت الدنيا والعالم ورأيت الشمس لأول وهلة بشهر ذي الحجه ١٤٠٨ - ١٩٨٨ الساعه ثلاث الفجر ، حتى أنهم طلعون من بطن امي وأنا أوتر وأروكع