hOk Na

انا ازدواج غير عقلانى..انا نعل الجزمه اللى اتهرى من غباوة النظام انا الديك اللى باض و الطور اللى اتحلب..القانون اللى اتركن و الدستور اللى اتكتب..انا اللامبالاه..انا ماضيك المريض .. مستقبلك اللى اتهان..انا الوقت اقوى سلاح..انا الضمير انا العيون..انا الشعب..انا حوارى النظام..انا الرأسماليه..انا الشيوعى اللى جيوبه متدفيه..انا الواو فى امن الدوله..حرف الجيم فى التعتيم..انا العــدم..انا اهم و اصغر فصل فى الروايه انا بداية النهايه ..انا الشباك اللى اتقفل انا نكته بايخه بيضحك عليها بملل..انا قانون الطوارئ و ثوانى حظر التجوال..انا واقع عالم الانفتاحى الانحلال..انا السياسيه الشرعيه..انا تقيد دين احمد ابن تميه..انا الفراغ و تعدد الهويه..انا ساعة التسليه انا الالهاء..و انا القبر اللى بيتحرق لما يعلن اكتفاء.. انا العالم الجديد..انا الدهب الارخص من الحديد..انا ابتسمتك ابتسامت خوف بدون صوت..انا اسحساك بالأمان لحظة قبل الموت..انا السر انا العاده انا مش فنجان القهوه الساده انا السكر اللى مهما تزود فيه ميحليش انا الحجر اللى مهما تبنى بي ميكفيش و انا التوب اللى مهما تشد و تنزل فيه ميغطيش..انا صفحات العاصى فى كتابه اللى مغبيه..انا ابن الشيطان اللى مقويه..انا الحبر اللى خلص و انا الريق اللى نشف..انا الصبر اللى زال و انا البدن اللى ضعف..انا اضواء شوارع القاهره جذابه ساهره ساحره كاذبه..انا مش موجود بس وجودى ليه مكان..انا مش فكره حلوه انا الكابوس..انا الابتلاء-بكره..بكدب..بظلم..بعبد..باخد..بعدم..بندم..و اسجد- انـــا