Entre libros (e música) anda a cousa 📓🎶

Chámome Isidro e iso non ten nada de especial pero, entre nós, era o alcume da miña familia, o cal non é pouca cousa!

Estudei a licenciatura de Publicidade e Relacións Públicas na facultade de Pontevedra da Universidade de Vigo mais é na cultura e a creatividade onde mais me movo e atopo a felicidade.

Talvez por iso estou enleado cun proxecto editorial fermoso de lecturas conscientes chamado Catro Ventos Editora, logo de mais de 20 anos traballando en deseño e comunicación (a maioría deles por conta propia).

No camiño entre facer e gozar da música (en varias bandas) e da publicidade (baixo a marca ATDP), cheguei até os libros, auténticas ventás para espíritos inquedos.

Queres que falemos destas cousas? Tes unha chea de xeitos de contactarmos nalgúns dos botóns desta páxina. :)