Agenda Club

"أجندة" هي قناة يوتيوب اللي باحط فيها كل خبرتي وتجاربي خلال السنين اللي فاتت مع محاولاتي للتنظيم وتطوير نفسي اللي بتنجح أحيانا وتفشل أحيانا فباتعلم منها اكتر..

اسمي انجي، عايشة في القاهرة، وزي ناس كتير تعبت من الهرجلة والدوخة اللي عايشين فيها في حياتنا اليومية، ولقيت سلامي الروحي وسط الورق والألوان والأجندات.
على الورق بانظم أفكاري، وبارتب حياتي، وبتبقى الحياة أسهل كتير.

على مدار الكام سنة اللي فاتوا اتعلمت كتير عن تنظيم حياتي وتنظيم وقتي وبيتي وترتيب أولوياتي، وحبيت أشارككم اللي اتعلمته، يمكن حد يستفيد، ويمكن حد يشاركني نصايحه وأنا كمان استفيد.

تعالوا معايا نشجع بعض علشان نحقق أهدافنا ونشوف ممكن نعمل ايه علشان نحسن شوية صغيرة في أسلوب حياتنا..

تابعوا فيديوهاتي على يوتيوب.. وتعالوا معانا في جروب "أجندة"على فيسبوك نتكلم سوا ونشجع بعض على تحقيق أهدافنا..