m7MEd El3sِSaL

اسمي: محمد مؤمن الطيب محمد العسال

محدش يعرف من الموال ده كله غير اسم

العــــــــســـــــــــــــــــــال

صحابي بينادونى كده اصلي

المهم

انا بحب السياسة فشخ وكان نفسي اطلع خبير استراتيجي فى التلفزيون كدهون بس للاسف ابويا عايزنى اكمل تعليمي

قررت انى ادخل التاريخ من اوسع ابوابه انى ادخل حقوق عشان اقدم على نيابة هيئهيئ

تقدر تقول مشروع وكيل نيابة فاشل :D

هنضم لحزب الدستور اللى مش بتاع البرادعي لوحده ده هو رمزه بس

مواليد 94 وما ادراك من التسعينات

احنا اللى دخلنا الثانوية العامة كأى سنة تانى ومفكرناش انها تحديد مصير ومهمناش على فكرة

راح هووووووب ابن الجزمة التنسيق رفعنا واحد واحد واخدناه هارد كوور :D

صعيدي من سوهاج المحافظة الطاردة للسكان بس لسة مطردتنيش

اهلاوى .. ومش اولتراس اهلاوي اصله ملمش الأولتراس يعنى عشان انضم لها

مهم نوع الأكل ؟!! اه .. طيب.

انا بحب الحمام بيمووووووت فيا هو والمكرونة البشاميل اووووف عليهم بعشقهم يا جدع

عايزين تعرفوا ايه تانى؟!!

المطربين؟؟

مش بحب اسمع تامر حسنى وعمرو كلاب والجو البيض ده

حلوة دينا الوديدي ومريم صالح برده وامثالهم الحلوين دول زي جوليا بطرس بردك

والباندات الأندر جراوند زي بساطة وزيرو خمسين وكايروكي وغيرهم كتييييير

وفى الشعر هشام الجخ بلدياتى بعشقه

انا نسيت اتكلم عن نفسي

بحب اوضتى فشخ وابويا على طول يتخانق معايا لسببين اولا انى قاعد فيها على طول ومسميها الخن بتاعى ثانيا بسبب شعري اللي بحلقه كل ما ينزل على ودنى او لما يتخانق معايا وغالبا اقوم حالقه زيرو عشان اريحه خالص وارتاح نفسيا اصلي ازاى هروح استنى عند الحلاق لغاية ما يخلص اللى قدامى والملل ده

بردو كل ما ابقي مخنوق اطلع الخنقة في شعري يا اما اشده او احلقه خالص

ابويا كل ما يحب يتخانق معايا على سبب تافه يطلعلى بسبب قديم ودايما يقولى خليك جمب امك ويتكلم عن العيال اللى بتشتغل مع ابهاتهم وكل ما اقوله شغلنى معاك يقولى اه عشان تقضيهالى نوم

المهم بس الصراحة ابويا بيحبنى برده يعنى الراجل مش حارمنى من حاجة بس مش مدلع كده :D

مش بحب الخنقة وبهيس اوى وانبسط لما اكون مخنوق جامد على فكرة

الشتيمة فى الوضع الحالى واللى بيحصل مش عيب

ولا حرام ياجدع ده الشيوخ بيشتموا احا

بس انا تعبت خلاص ده ايه الرغي ده

اه صح نسيت اقول انى مش رغاي ومش بحب الرغي

لو افتكرت حاجة تانى هكتبها