Mahmoud Medhat
Egypt , Cairo
اسمي محمود , من مواليد 89 و افتخر و الحمد لله اني لحقت جيل التمنينات لاني لو كنت اتولدت في التيسعينات كنت هزعل اوي الصراحه :)) مع احترامي لجيل التسعينات برضو يعني
بشتغل محاسب في شركة بترول ( فلول يعني ) زي ما الناس كلها فاهمه ان كل اللي بيشتغلوا في البترول يا فلول يا اغنياء احب اقول لهم جاتكوا نيله
محاسب و افتخر واللي يقوللك ان المحاسبين فقر قولو ياشيخ اتنايل على عينك
بحب اكتب بلغتنا العربيه عشان خايف ان احنا ننسى لغتنا الجميله من كتر ما احنا بنكتب فرنكو و انجليزي
حبه سياسه بقى .. بكره الاخواااااااااااااااااااان جدا و بعتبرهم لا يمثلوا اي شيء من الاسلام ولم يمتوا للاسلام بصله لانهم منافقين , كذابين , قتالين , بتوع مصلحتهم
احترم البوب الكبير د:محمد البرادعي لانه اول واحد قال عايزين نتغير بصوت عالي
انا لبرالي مسلم يعني حر و مش معنى اني لبرالي يبقى عايز الغي الماده التانيه من الدستور زي ما الناس فاهمه و معتقده
كفايه كده !!
انا بتاع ساندبوردينج Sand Boarding
عندي شركتى الصغيره بتاعت ساندبوردينج و سفاري و كده و بحبها جدا و بفتخر بيها جدا اسمها Wild Life
هواياتي المفضله , بحب القراءه جداااا و الكوره اهلاوي جداااا و كتالوني و افتخر و متعتي و انا بتزحلق على الرمل
بحب بلدنااااا جدا
كفايه كده بقى