Mohamed Abd El-Rahman

عندي 19 سنه وفاضل 9 شهور واكمل 20 ..وفاضل 4 سنين واتخرج من هندسة ان شاء الله =)) ...

مش عارف ليه حاسس اني هبقي مهندس فاشل .. قررت اخش قسم اتصالات بالرغم من كل الناس داخلة مدني و كل الناس بتقول ان اتصالات ما عدش ليها شغل .. بس انا مش حابب ابقي ماشي ورا القطيع .. و مقتنع اني لو اجتهدت هلاقي شغل كويس .. من ضمن اهدافي اني اتعين معيد في الجامعه عندي .. هو هدف صعب بس وارد جدا انه يتحقق يعني ..

شخصيتي غريبة الي حدا ما .. حساس بزياده حبتين وده بيخليني ازعل ولا علي راي ناس "بتقمص" بسرعه .. بكره ان حد يحرجني .. و بضايق و بندم جدا لما بزعل حد مني ..

من اهم عيوبي اني عصبي و رخم احيانا واني ممكن اصدق اي حد بسهوله .. واني ممكن اتعلق باي حد بسهولة برده
من امنياتي اني ابقي حد كويس في المجتمع وامي وابويا يفخروا بيا .. ونفسي ربنا يرضي عنا ونفسي كل الناس تحبني "ودي حاجة صعبة للاسف!

هواياتي بقي .. بحب العب كورة و باسكت جداا ... و طبعا مدمن بلاي ستيشن "كوره بس مش مصارعة " و بحب القراءة جدا و بعشق التصوير .. و بحب التكنولوجيا جداا ..

بس كده و دمتم سالمين ...