mohamed elhosseiny
Cairo , Egypt
انا يا سيدي محمد بين قوسين ( مشمش ) بس مشمش دا لمامتي و لحد تاني بس ;) ... حياتي لحد دلوقتي مرت ب 3 مراحل تصاعدية لحد ما وصلت لكياني و كينونتي الحالية ... اول مرحلة : و دي اسوء مرحلة .... مرحَلة الطفوُلة حتي نهاية الابتدائية .... العادي و المفروض ان دي تكون احلي مراحل الحياة لمعظم الناس بس الحقيقة ان العكس موجود معايا ... سبب الوصف ده مش تقصير من اللي حوالياا زي الاب و الام مثلاا .. بالعكس دول كانوا بيعمللوا زيادة عن اللي بطلبه .. لكن العيب كان بداخلي انا ... تقدر تقول كده اني كنت اهيف واحد علي ظهر البسيطة .. سهل تضحك عليا .. سهل تقنعني بحاجات خرافية و انا اصدقها ... سهل تجرني لحاجة انا مش حاببها ... دا غير الاخلاق .. كانت صفر كبيير كده من بتوع الامتحانات دول ... عملت حاجات وحشة كتير في طفولتي لحد نهاية الابتدائية و من كتر انحطاطها انا مقدرش احكيها حتي لأقرب صحابي ولا اهلي ولا حتي مراتي .... و بتنتهي المرحلة دي بكل شئ وحش فيها و تيجي المرحلة التانية : مرحلة الاعدادية .... و رغم قصرها لأنها 3 سنين بس لكن لازم احطها في مرحلة لوحدها .... في المرحلة دي حاولت اصحح من وضعي .. اول حاجة بعدت عن صحاب الاخلاق المنحطة و بالتالي اخلاقي اتعدلت و بقت زي الفل .. تاني حاجة اهتميت بالدراسة جداا بس كانت المشكلة هي عدم ثقتي بنفسي ولا قدراتي و حاسس علي طول اني مش هنفع ولا اقدر افهم ولا احفظ و فمة عدم الثقة بالنفس ... اتصاحبت علي ناس تانيين بس محترمين المرة دي ...... او قدام الناس بس :D ... و اتفاجئت بنفسي في الاخر لما طلعت السادس علي المدرسة في تالتة اعدادي ^_^ .... نيجي للمرحلة التالتة و هي مرحلة الثانوية : دي احسن مرحلة في التلاتة ... اولا لاني ماكنتش بحب المدرسة و نظامها القمعي المتخلف و الثانوي كان فيه تحرر اكتر بكتير ف حبيت النظام و ثانيا اتغيرت شخصيتي و ملامحي و تفكيري نهائيااااا ... بقيت واثق في نفسي جدا و في امكانياتي ... بقي ليا مكان مهم وسط اصدقائي و بقيت مصنف حواليهم من المتفوقين .. بس المشكلة الوحيدة في المرحلة دي هي اني ركزت في المزاكرة زيادة اوي ودا كان سبب في ضياع حلم حياتي وحبي الاول ( سارة ) .. لسه بفتكرها دلوقتي ولسه بعيشلها هي و بحلم بيها لسه ... انشغالي بالدراسة خلاني مأحسش بيها من الاول ... خلاني ماقدرش اعبر عن نفسي كويس بعد كده ... بس ربنا يوفقها في حياتها ومستنيها في اي وقت ... دلوقتي بقي بعيش رارع فترة في حياتي و دي احلي فترة في التلات فترات اللي فاتوا :D :D .... فترة الكلية : احلي فترة بعيشها في كل حاجة .. معايا احلي صحاب .. بنقضي احلي وقت مع بعض ... و من غيرهم انا ماكنتش كملت لحظة واحدة في الكلية ... ماكنتش اتمني صحاب احلي منهم حتي ان هما عوضوني عن اصدقاء الطفولة اللي خانوا العشرة ...