Mounir Sameh

ازيك، انا منير سامح

Social Media Specialist

طالما جيت هنا يبقى مينفعش تطلع ب ايدك فاضية خالص!
التسويق عالم كبير أوي وعلم كبير أوي مليان حاجات كتير لكن هدفه الرئيسي هو انه يساعد البيزنس بتاعك سواء كنت بتبيع منتج لأي فئة أو بتقدم خدمة معينة إنه يتشاف! يطلع للنور ويكون فعلًا إضافة للعملاء المستهدفين بتوعك

زمان مكنش في تسويق لإن العالم مكنش محتاجه، كان في عم أحمد البقال وعم رجب الخضري وخلاص! لكن دلوقتي الموضوع كبر أوي وبقى في في نفس الشارع 3 هايبر بيبيعوا نفس المنتجات، وهنا احتاجنا للتسويق!

ف لما تسأل نفسك هو انا ليه عامل بيزنس ومجهزه على أعلى مستوى وفي الآخر مش ببيع!!! وهي دي إجابة السؤال ياصديقي، علشان في عنصر مهم جدًا إسمه التسويق!

هنمشي مع بعض سكة طويلة هدفها هو هدفك، يعني شوف انت عايز تحقق ايه واسمحلي اساعدك في دا.

هنبدأ مع بعض اننا نفهم كل التفاصيل الخاصة بالبيزنس وبعد كدا نشوف ايه المشاكل اللي نقدر نحلها سوا علشان المشاكل دي متكبرش لما نحقق مع بعض نجاحات وبالتالي نتفادى الخطأ قبل ما يقع!
وكمان نحط استراتيجية كاملة مهدفة حسب احتياج البيزنس بتاعك ونمشي سوا خطوة بخطوة في تحقيق الأهداف واحد ورا التاني

انا منير سامح، شغال من 2019 في مجال التسويق بعد ما عملت شيفت كاريير من المجال الطبي
اشتغلت مع ناس كتير وحققنا نجاحات كبيرة لكن افتخر دائمًا
لبنجاحي الكبير في شغلي في شركة الروماني للبروجكتور

اللي في خلال 5 سنين حققنا فيها نجاحات كبيرة جدًا ومازلنا بنحقق بفضل الله