اسمى : نادر السيد محمود امين

السن : 17 سنة وشهر

انسان مش عميق .

عندى احلام ونفسى احققها , ان شاء الله قريب هحققها .

عندى اخ واحد , اكبر من ب3سنين وعنده استديو تصوير.

مش مرتبط خالص والحمد لله عمرى ما ارتبطت بحد خالص والحمد لله ولا حبيت حد , متأكد انى هلاقى نصى التانى (انثى النادر )

انا بئا عندى افكار ممكن تغير العالم كله , لو اتحققت هتبقى حاجة فوق الخيال.

كان نفسى يبئا ليا اخت بنت , كنت متأكد انى كنت هحبها اكتر من نفسى ♥

مبحبش الدوشة والزيطة , بس بحب افرح وسط الناس

انا انسان عادى جدا , دايما باخد عن الناس حسن النية مش العكس.

انا زى معظم المصريين نفسى اسافر بره مصر عشان اعرف احقق احلامى .

مقتنع تمام ان من تواضع لله رفعه .

انا مش صدى صوت,انا دايما بحاول اغير الواقع .

عاوز احقق حلم الحاج والحاجة وادخل كلية طب ♥

مسلم الحمد لله , انا مش شعب الاهلى فى كل مكان ♥, بحب ريال مدريد من وانا صغير .

نفسى زى اى انسان ألاقى واحدة تتكلم معايا وقت فراغى بالظبط تكون نصى التانى تقدر تفهمنى من غير ما اتكلم وانا اقدر افهما من غير ما تتكلم برضه . فى انتظار انثى النادر .

نفسى اتجوز واحدة قصيرة لونها قمحى