Nerea Losada

Ola! Son Nerea Losada e estou graduada en Comunicación Audiovisual pola Universidade de Santiago de Compostela (USC). Dentro da facultade fun parte da organización e promoción da Gala XorCav 2022 e o Facom Fest 2022.

Durante o grao, participei en diversos festivais de cine como foron o Ourense Film Festival 2022 e Curtocircuíto 2022. Neste último, fomos gañadoras da sección Outra Compostela eu e tres compañeiras máis: Eira Losada, Sabela Vilas e Diana Iglesias.

Fixen prácticas como redactora nun xornal dixital da Limia (dendealimia.com) e como editora e operadora de cámara para os contidos en redes sociais do “Dígocho Eu” na Corporación Radio e Televisión de Galicia (CRTVG).

A través destas experiencias, descubrín que o que máis me gustaba era a parte relacionada coa promoción en redes sociais e o deseño do plan de comunicación.

Déixovos por aquí o meu Linkedin por se queredes botarlle un ollo.