Omar Abdelwahed Alshal

أنا أسمي عمر عبدالواحد محمد الشال ، ثائر مصري ، يساري يميني أو يميني يساري ... شاب زي شباب كتير مصريين بيحبوا بلدهم وبيعشقوها وعرفوا هم بيحبواها قد ايه بعد ثورة 25 يناير.

أنا أشتغلت في حاجات كتيير وأنا صغير بس من كتر حبي للكمبيوتر تدرجت في وظايف كتيرة داخل وخارج مصر وأنا الآن أعمل مدير التسويق الإلكتروني في شركة إكساء.

بحب القراءة والكتابة وبعشق التدوين والصحافة ، لكن مبحبش الكلام الكتير ... علشان كده بكتب قصص قصيرة ومقالات قصيرة - كتبت مقالات رياضية كتيرة اتنشرت على موقع الأهلي - لأني أهلاوي وبحب الأهلي - وكنت بكتب مقالات سياسية بس مش كتيرة .. وبعد الثورة بقت كل إهتماماتي تقريبا هي مصر والسياسية ونشرت لي بعض مقالات في موقع جريدة الشروق ومصراوي و صحيفة التغيير وغيرهم.

مش عايز أصدعك بكلام كتير بس لو حبيت الخص عمر الشال في كلمتين هقول ... مصري وبس.