Peter Isaac Ibrahim

انا شاب مصري الجنسية و الهوية و العقيدة, بحب أفكر كتير و ماعنديش خط أحمر, ولا أي حد ولا أي حاجة فوق النقد عندي, نفسي أشوف بلدي أحسن بلد, و نفسي ولادي مايتحطوش ف الموقف اللي انا اتحطيت في اللي هو اني أفكر اسيب البلد و أهاجر, انا فعلا مابقتش طايق ولا الزحمة ولا التلوث ولا القرف اللي بقي هنا, بس دي بلدي يعني حتة مني, و أكيد انا ماتولدتش هنا مخصوص عشوائيا كدة, لأ انا ليا دور ف البلد دي, و انا شايف ان دروي اني انضفها, انا مؤمن جدا بالثورة و اهدافها, بس للأسف انا ثورجي نت بس لغاية دلوقتي, لسه ماشتغلتش ف الشراع, بس أكيد قريب هعملها, بالمناسبة انا صعيدي من المنيا مركز ملوي, يعني المفروض الدماغ مقفلة, بس انا دماغي مش كدة خالص :)

انا بدرس في كلية العلوم جامعة اسيوط, قسم الجيوفيزياء, و مش فاهم فيها حاجة لغاية دلوقتي :)) و من وقت قريب بدأت احس ان علوم مش هي مكاني ولا طريقي, انا بدأت اهتم أكتر بالحاجات الفكرية, و بدأ يظهرلي حلم متأخر اني ادخل كلية اعلام, و هو متأخر فعلا علشان أول مرة افكر فيه و انا في تالته كليه :( بس هحاول اعوض على قد ماقدر اللي فاتني.

مشكلتي اليومين اللي فاتوا اني حسيت اني مشروع ديكتاتور, و اني مش بحب حد يعارضني ولا يطلعني غلطان, و دة غلط جدا, لأن مافيش فكرة مهما كانت محبوكة مافهاش غلطة, و مافيش ف الكون حقيقة مطلقة, يعني ببساطة ممكن اكون غلط, و بحاول أعود نفسي على كدة. نفسي أشوف كل الناس بتحب بعض و بتحترم بعض, نفسي الاديان ماتكونش سبب في تقسيم الناس و التفرقة بينهم زي مابيحصل, المفروض الاديان نزلت علشان ترفع من شأن الانسان و الخلاق و القيم و الكلام دة, لكن للأسف اللي بيحصل انها بتفرق الناس عن بعض.

انا هواياتي القراءة أو بحاول اخليها من هواياتي بالعافية علشان انا مؤمن بأهميتها, و تقريبا ماليش هوايات تاني :) ممكن ألعب كورة شوية و طبعا النت واخد كل وقتي, انا بعش حاجة اسمها اتليتكو مدريد

بالنسبة للناس ف انا مش بحب الفراغ, و مش بحب اصحابي يكونوا فارغين, فعلشان كدة بنقيهم كويس, دة بالنسبة للأولاد, اما البنات ف انا دايس مع كله ;) طبعا لأ انا عندي ازدواجية اااه بس مش للدرجة دي, برضو مش بحب الفرااااااااغ يا جماعه البنت اللي بلاقيها فاضيه مش بعرف اكلمها اصلا :((

انا شايف ان كفاية عليكم كدة و لو في جديد هبقى اكتبه

على أمل

أن

أصير يوما ما أُريد