reem gomaa

دايما مقتنعة ان الواحد ميعرفش يوصف ويعرف نفسه للناس .. لا دى حاجة المفروض تعرفها من اللى حوليك

ومن هذا المنطلق احب اقول ان انا الناس اللى حوليا بيقولوا عليا " هبلة - شريرة -ناصحة - طيبة -دماغ -مجنونة الخ الخ الخ "

انا بقيت انسى والله بس كل اللى اقدر اقوله ان انا شايفة ان كل الحكاية دى نسبية وطالما انت حابب نفسك كدة يبقى سبها على الله ومتشلش هم الناس هتوصفك ازاى.

دايما بحس انى مختلفة فى حاجات كتير عن البنات او الولاد اللى فى سنى ومعرفش اذا دى كانت ميزه او عيب بصراحة

بسمع اغانى اجنبى كتير والناس مفكرنى بتمنظر بيها بس مش مشكلة

نفسى اطلع من المجتمع الصغير اللى عايشيين فيه لمجتمع اكبر واختلط بناس اكتر

فى كليه حقوق ودخلتها انجليزى عشان بحب الانجليزى وحابه دراستها الحمدلله.

مقتنعة ان ربنا لو حرمك من حاجة يبقى شايلك اللى احسن منها وان الواحد ميشلش هم حاجة عشان محدش عارف ايه اللى ممكن يحصل بعد ثانية.

جربت اعيش فترة من حياتى واتقمص فيها شخصية ناس تانية اتأثرت بيهم فى يوم من الايام بس مقدرتش اواصل كده فقررت ارجع لشخصيتى ولقيت الوضوع ده احسن بكتييير

بحب اتأمل واتعلم من اللى حوليا و مبحبش اخسر حد وبنسى بسرعة

اتغيرت و بتغير وهتغير لانى بشوف ده اسلوب حياه بتقدر تتعايش بيه مع الناس حوليك.