Rehab Doky

اسمي رحاب
مكنش السبب فيه أهلي لكن باعتز بيه
السن عمره ما كان معضلة بالنسبة لي علشان كده باختصار انا مواليد 91
برج الجدي ودول احسن ناس بالمناسبة :p
مصرية جدا وقبل ده نوبية من قلبي
ده اسم نوبي Doky على الهامش
:)وكل اسم وليه معناه
كان حلم حياتى ابقى مذيعة في الراديو لكن مجموعي دخلني علوم قدر الله وما شاء فعل
عشت اوقات صعبة فيها بس اللحظات الحلوة اللى فيها ما تتوصفش خصوصا اللى ممزوجة بالتعب والفرح
بحب المزيكا السينما الكتب كل حاجة من دول بتخلينى مستمتعة
المعرفة بالنسبة لي شئ مهم ومحاولة الوصول للحقيقة أهم
بحب الناس اللى بتحاول ,اللى اليأس بالنسبالها شئ سخيف
شايفة الدنيا فيها حاجات كثير تتعمل
بحب السفر جدا خصوصا بعد نهاية سنة كاملة من المجهود اوقات كثير بحس انها افضل فرصة انك تشوف نفسك بقيت فين وازاى
لحظة الاقلاع و الانفصال عن الدنيا بمشاغلها وكل ما فيها بالنسبة لى من اللحظات الممتعة
بحاول جاهدة اخرج برة الدايرة المغلقة اللى انا فيها مؤمنة ان الفرص بتيجى لما تقرر تاخد خطوة برة السرب و برة العادة
أكثر حاجة بحاول اتغلب عليها هيا الخوف
أكثر صفات بكرها في البشر الكدب و الغرور
واللى لسانهم طويل
مؤمنة ان لكل و احد عيوبه بس في ناس تقدر تستحمل عيوبها و ناس لأ
الدين بالنسبة لى سبب رئيسي علشان يملا حياة البنى ادم ايجابية و يخلى حياته أحسن
التفاصيل الصغيرة هي اللى بتصنع حياتنا نفسها الابتسامة, منظرحلو ,او كلمة اتقالت, بتفضل عالقة
في الذاكرة طول العمر
اوقات كثيرة بتخلينا مبسوطين بجد
احلامى ,طموحاتى ,مبادئ من الحاجات اللى من الصعب اتنازل عنها
باختصار هيا الحاجات اللى بدافع عنها
لآخر نفس :)