Ridip Raktim

সহৃদয় আত্মীয়তাৰ পথৰ দাঁতিত ৰৈ আপোনালৈয়ে বাট চাই থকা মানুহ মই...

জানো, মানুহৰ দৰে কোনোবা মানুহ ইয়াত এতিয়াও আছে
যি এই বাটেৰেই অকলে আহে-যায়।

মানুহৰ দৰে এনে মানুহে
ৰাতিও দুৱাৰ খুলি অচিনাকীক বাকি দিয়ে পিয়াহৰ পানী
তেওঁলোকৰ ঘৰৰ মুধচলৈ এহাল চৰায়ে কুটা কঢ়িয়ায়
চোতালৰ ডাঁহেচীয়া বগৰীলৈ শিশুহঁতে নিঃসংকোচে ফৰ্মুটিয়ায় !

তেওঁলোক জীৱনৰ প্ৰেমিক মানুহৰ উপাসক
মুৰত আঙুলি বুলাই অসুখৰ দিনবোৰত
তেওঁলোকেই পৃথিৱীক ফিনিক্সৰ সাধু শুনায় ....