saher muhammed
Egypt , Mansoura
إسمي ساهر من المنصوره مصر ، تقدر تقول عندي 20 سنة او 20 و فكه ، في كلية هندسه جامعة المنصوره ، قسم اتصالات ، أيوه اخرتى بتاع خدمه عملاء و كروت شحن وكده ، وعلى فكره بحب كليتى و بالأخص القسم ده ، و فـ حاجه اسمها " تكنولجيا " عاملالى خرم اد كده فى دماغى ، مش مرتبط وبدور على واحده بتعرف تلعب بلاي ستيشن :)) ، ثقتى فى الناس مش آد كده ، معنديش أصحاب كتير ،إصحابى اللى ممكن اعتمد عليهم يتعدوا على صوابع ايد واحده ، ليا زمايل كتير و بحترمهم و مقدرش استغنى عنهم ، مبحبش العب كورة ، ممكن علشان مبعرفش ، بعشق صوت منير و أنغام و مدمن أغانيهم والدى متوفى و ليا اخ واخت الاتنين اكبر منى ، ومليش فى الدنيا غير أمى ، دى اللى طلعت بيها ، وهى اللى حياتى كلها واقفه عليها