Shadii Ahmed
Designer and Personal Trainer in Dakahlia Governorate, Egypt
شغل التراك الاول!!...3 2 1
انا المسرحية اللى قصتها عبارة عن "صراع" و ابطالها "الخير" و "الشر" متجسدين فى كل صفة حلوة و وحشة موجودة فى السيناريو ... المسرحية من غير تذاكر يعنى مجانية ! و بالرغم من كدة مش اى واحد بيدخلها تقدر تقول كدة المسرحية هيا اللى بتنقى جمهورها ! ... هتدخلها مش هتفهم منها اى حاجة ! لصعوبة السيناريو اللى فهمه بيختلف من فرد للتانى الا انك لو عرفت سرها هتكتشف انه سهل جدا ..سرّها ده جوة الكواليس ..صدقنى هتتفاجئ و يمكن تلاقى مسرحية تانية جوة المسرحية قُليل جدا و حاليا ممنوع ....... فهمت حاجة !؟
انا شادى من المنصورة.مصر برج الثور 7/5
انا طالب فى سنة تالتة فى كلية "تجارة انجلش" فكك بقى من اللى فات ده و تعالا معايا
انا انسان عادى جدا باكل و اشرب و انام ..و اعمل ببى يعنى فيسيولوجيا تمااام الحمد لله
انا مسلم الحمد لله #مش شيخ ! بس بحاول التزم بدينى عشان اكون مسلم صحيح مش مسلم فى البطاقة زى كتير مننا للاسف
هدفى فى الحياة اعيش راجل فى زمن الراجل فيه هيلبس فيزون
و بتمنى من ربنا حسن الخاتمة او الشهادة ..ااه نسيت نفسى لما اتخرج من ام الكلية الاقى شغلانة كويسة و اتجوز جوازة حلوة
زى اى سيتزن فى اى بلد محترمة
هواياتى متعددة الحمد لله
معنديش اى انتماء سياسى لأى حاجة بمعنى ان ليا رأيى الخاص الغير منحاز لأى طرف.. يمكن ابويا ظابط جيش بس مش بيحصل بيننا اختلاف فى الاراء كتير
امى ..هى الجندى المجهول بالنسبالى :) ربنا يخليهالى بالرغم من انى مقصر فى حقها
من عشاق الاستاذ "مصطفى حسنى" و "عمرو خالد" و "احمد الشقيرى " و غيرهم من اسامى كتير ربنا يباركلهم
مش بحب التليفزيون كتير راشق على النت
من عشاق الفيديو جيمز ...
انا من النوع المتفائل جداا و اكبر دليل على كدة .. انى لسة شايف امل فى البلد دى ... بس ده ميمنعش يعنى لو طلبت كآبة شوية
تعالا نقلبها دراما شوية .. انا "انسان" "على باب الله"
اعرف من هنا : http://www.youtube.com/watch?v=rnZ_PbzErp0
تمام ؟
اما الاغانى فا بسمع كل حاجة وبحاول اقلل من ده بصراحة يعنى عشان ربنا يكون راضى عنى و بسمع عمرو دياب و تامر ح.. اه بالمناسبة ملكش دعوة انا شبهة ولا لأ انا حر فى نفسى
حاليا انا من الناس اللى الصداقة بالنسبالهم شئ ترفيهى بحت بمعنى على قد ما اقدر اعيش في الدنيا دى ب طولى و مع كدة
صحابى الحمد لله هم خير الصحاب متنقيين على اعلى طراز من الجودة و لو مش مصدق اسأل بره .."معلومة" صحابى مش اللى بقابلهم فى الشارع و على "ازيك ..الحمد لله ! " صحابى دول لا يتعدوا ال 5 او 6 و دول مسميهم "اخواتى" .. ربنا يهديهم و يخليهم ليا
مرتبط ! بنفسى و بكل حاجة تخص مصلحتى وهدفى تقدر تقول كدة مكتفى
بنفسى ..
اظن كدة انت عرفت كل حاجة عنى استأذن انا بقى :)