NginguSinenhlanhla Vilakazi oneminyaka engama- 25 owenza unyaka wesine eNyuvesi yaseGoli (University of Johannesburg). Ngokokuzalwa ngidabuka esiifundazweni saKwaZulu-Natal edolobheni lase Paulpietersburg nokuyilapho engangena khona isikole. Ngifundela ukuthola iziqu ze-Bachelor of Education in Senior Phase ne-FET Teaching. Ngigxile ezifundweni zesiZulu (Ulimi Lwasekhaya) kanye ne-School ICT.

Ngingumuntu othanda imfundo, ukufunda, kanye nezinhlelo ezibandakanya ukusetshenziswa kobuchwepheshe (programming). Ngiphinde ngibe nentshisekelo ekuthuthukisweni kwezokufunda kudidiyelwa ulimi kanye nobuchwepheshe. Ukwenza lezifundo zolimi kanye nobuchwepheshe eNyuvesi kungidalulele ezintweni eziningi ezisemqoka futhi kusaqhubeka nokungihlomisa ngamakhono ekhulu lama-21(21st century) adingekayo nabalulekile emhlabeni jikelele afana nokukwazi ukusebenzisa ubuchwepheshe, ukucabanga ngobuchule kanye nokukhiqiza imibono eyakhayo. Ukufundisa bekulokhu kuyintandokazi yami kusukela ngisemncane. Ngikholelwa ekuguquleni izimpilo zezizukulwane zethu ezizayo ngokudlulisela kuzo ulwazi namakhono azosiza nazoba wusizo kuzona ngisho nangemva kwempilo yesikole.