taco acg

Student

攝攝的自介（2022）

修訂版

你好，感謝願意follow呢個一啲都唔專業嘅page，冇精緻嘅排版，亦都冇頂級嘅設備。

好老實咁講，我唔係一個專業嘅攝影師。因為我唔係讀關於攝影嘅專業，主業亦都唔係做呢個，目前關於攝影嘅所有嘢都係靠自己摸索出嚟。所以間唔中出咗炒相都係無可避免（依家越嚟越少），應該會慢慢進步

嚟緊我每個event基本上都會去，如果有coser欣賞我嘅作品，亦都歡迎搵我影相，會盡我最大嘅能力拍好，戶外完全免費，不過影樓就要coser自己俾錢啦～（影過嘅同埋我有興趣嘅角色另計）。

我本人唔惡，Online可以傾好多嘢，不過現實可能比較少講嘢。歡迎混熟～

雷點：

討厭已讀不回/不讀不回

好重要，所以講三次

————————————————

大家一齊為C圈出一分力，一齊出靚相。我都想認識更多嘅攝攝同coser，目前基本上去會場都係我自己一個，精神上都幾辛苦下，見到個個都有人陪🥹🥹

呢一段可以忽略唔睇～

跟住會講吓點解會想做cosplay攝

2022動漫節係我第一次嘗試cosplay 攝，去足五日，由早上11點影到夜晚8:00，中間基本冇休息，冇食飯，影咗超過200GB相，但因為係第一次，所以大部份都係炒相，返圖嘅時候自己都覺得唔好意思。我仲記得嗰陣時返就係用IG DM直接send😂😂，直到有coser提醒我要用Google drive😂，諗起都覺得尷

其實見到各位coser出咗自己心愛嘅角色，都好開心，想幫佢哋影多啲相，但無奈自己嘅技術唔到位，啲相自己都唔係好滿意，唔好話coser… （所以2022動漫節啲相應該都唔會再post

於是之後我自己上網serach關於攝影嘅影片，亦都參加過一啲工作坊，從零開始學起，從攝影三要素，到構圖到光線控制，再到後製，由LR到PS。一切只為更好嘅返圖質量。短短大半個月，LL01啲相對比起動漫節都進步咗好多，亦都開始有coser願意用我啲相。感謝你哋願意欣賞一個新手到冇得再新手嘅人。

話說我發現我真係好鍾意做cosplay攝，動漫節五日全去，冇停過，LL01早上6:00起身去排隊，又係由朝影到晚

最後，呢篇嘢居然打咗一粒鐘？？？

補充：

雖然講到自己好似好差咁，不過而家啲相其實都ok,唔係真係好差😂。冇人同我影真係成堆gear擺喺屋企冇人影😂😂

同埋

由於而家喺C圈我係冇人識，所以可能會比較自來熟，希望大家唔好當我係怪叔叔😭

感謝大家睇到呢度🙇🏻‍♂️

BTW之後得閒會更新坑表