Tara Beauty ♡

السلام عليكم ورحمة الله وبركاته :) بدخل بالموضوع على طول !! انتي بنت ولازم تهتمي بنفسك يعني حتى ف المدرسة تاخدين لك معطر جسم أو عطر صغير لازم تكون ريحتك فريش وحلوة ونظافة الاسنان مايحتاج نتكلم عنها لانو تخيلي بنت وريحتها مو حلوة !! ماتجي صح ؟ ف عشان كدا اذا انتي فترة مافرشتي اسنانك لازم اسبوعين تبدي تفرشيها ثلاث مرات في اليوم بعد كل وجبة بعد اسبوعين عادي او مرتين ف اليوم او مرة وحده اهم شي تكوني قتلتي الجراثيم الموجودة في اسنانك من فترة ، وتروشي كل بعد يومين في الصيف وثلاث ايام ف الشتاء اما اذا كان شعرك دهني ومزيت على طول ف يوميا اغسلية او يوم بعد يوم لانو يبان الشعر النظيف والوسخ تخيلي صحباتك يشوفوا شعرك دهني ويروحوا يقولوا لاخواتهم وامهاتهم !! ترا شعر فلانة كان دهني ومقرف اليوم !! راح يبدوا صحباتك يبعدوا عنك لانك ماتحافظي على نظافتك * فعشان كدا النظافة مهمة مرااا كتيييررر كتيييرر كتيييرر هادي نقطة النقطة التانية الاشياء الي لازم تكون ف شنطتك سواء شنطة مدرسة شنطة مول اي شنطة لازم تكون معك هادي الاشياء لانك بنت طبعا :$ اول حاجه عطر واقولها تاني ماحد يحب الروائح الكريهه !! وخدي معك لبان او حلاوة تخلي نفسك فريش لانو ماحد يحب الروائح الكريهه :( وخدي مشط فرشة اي شي تمشطيبو شعرك لانو شكل البنت اهبل لما يكون شعرها كشه وماحد يحب يطالع فيها يقولوا هادي ماتهتم بنفسها وخدي معك مراية هادا شي مهم مرا كل بعد فترة طلعيها شوفي في شي ف وجهك مثلا شي من عيونك شي عند فمك شي في اسنانك وكدا لازم تهتمي بمظهرك يعني إدا كنتي ف المدرسة كل حصة طلعي مرايتك وضبطي شكلك خاصة وقت الفسحه وخدي معك قلوس او مرطب لان شكل الشفايف المتشققه مقزز بشكل مو طبيعي ف لازم تخلي شفايفك سوفت او ناعمة وحطي قلوس او روج يلون شفايفك بس شوي عشان مايبهت لون وجهك واهمممم شي الكريم او اللوشن لازم ضروريي يكون معك لان الوجه الناشف مقزز واليدين الناشفة برضو مو حلوة خاصة انو انتي بنت ، هادا كلو ف المدرسة ، اما عن الخرجات قبل كل خرجه حاولي ترتبي ملابسك وتكويها وتجهزيها خدي لك غفوة عشان تكوني مصحصه هناك ، ادا كنتي ف الابتدائي خامس او سادس حطي روج بينك ناعم بس رووججج يرحم والدييك لانو انتي صفيرة وماينفع مكياج ع الصغار. وطبعا العطر وتفريش الاسنان وكدا ، وخدي شنطة حطي فيها مراية+عطر+مشط+روج+مكياجك ادا كنت تحطي مكياج وكدا كل بعد دقيقه اطلعي وخدي شنطتك وضبطي شكلك وحطي عطركك :) ،اما ادا كنتي مزكمة ف الله يخليك لا تطلعي صوت لما تمسحي خشمك لانو عيييييبببب وققرفف ومايصلح تسوي دا الشي ف المدرسة او ف خرجه ، ومشيتك شي مهم كمان خليك رزة فاردة ظهرك مستقيم طالعي قدام تماما مو فوق قدام بس ، وامشي بهدوء ونعومة وكدا لا ��تكلمي او تضحكي بصوت عالي ابدا خاصة لو خرجه خاصة يعني ناس مو قرايب مره اجلسي مستقيمة اتكلمي بهدوء اذا احد كلمك ردي عليه بأدب وادخلي ف الموضوع عادي ترا الكبار ما راح ياكلوك ، مو كل ماقالو لك كلمة قمتي بس تضحكي ومادري