السلام عليكم و رحمة الله و بركاته

اش هوا مشروع الكنز !

مشروع الكنز عبارة عن مشروع خيري و غير ربحي

حيكون عبارة عن لوحة إلكترونية تتواجد في المطاعم

إش فايدة اللوحة ؟؟

تلاقي مكتوب فيها الوجبات المجانية و كم عددها

كيف تسير مجانية ؟؟

هنا الفكرة

حيكون الزبون اللي جاي يشتري من المطعم دافع ثمن وجبتين " وجبة الكنز " و وجبة له هوا

وجبة الكنز تنضاف للوحة و وجبتو بالعافية عليه

طبعاً مو شرط يدفع ثمن وجبتين ممكن يشتري لنفسو و يروح بس كمثال

طبعاً وجبة الكنز للناس المحتاجة و ما عندها فلوس تشتري تدخل المطعم تلاقي مكتوبة وجبات الكنز و تطلب منها

بدون ما يدفعو شيء

أول حاجة حيكون أجر عظييييم سواء لصاحب المحل أو للي دفع ثمن الوجبة

ثاني حاجة مو شرط يدفع ثمنها كامل حتى لو ريال واحد حيكون يتجمّع ريال فوق ريال لحد ما يكتمل ثمن الوجبة

بالتالي صاحب المحل مو خسران حاجة لو حط اللوحة و يسير الكل بيأخذ أجر و بيستفيد غيرنا

ليه سميناها وجبة الكنز ؟

لأنو إنت لمن بتدفع ثمن الوجبة بتأخذ حسنات و حسنة فوق حسنة فوق حسنة يسيرلك كنز من الحسنات

ثاني سبب : أكثر الناس بيشوفو فلوسهم كنزهم ف إنت بتصرف كنزك عشان تلاقي كنز أكبر منو إن شاء الله

اش معنى الشعار حقكم ؟

معناتو إنو أطلق كنزك عشان تحصّل المتعة الحقيقية ألا و هي إدخال البهجة على قلوب المحتاجين و لربّ دعوة صادقة من قلبهم

فرّجت عليك همك

اش الفرق بيننا و بين إطعام ؟

الفرق إنو الوجبة عندنا بتتصنّعلو خصيصاً و ليست بقايا طعام

لو فيه أي استفسار :

@TreasureProject